Cúrsaí Oiliúna ar fáil ó Fhorbairt Naíonraí Teoranta

Dianchúrsa Fhorbairt Naíonraí Teoranta

Is cúrsa riachtanach é an Dianchúrsa dóibh siúd atá ag iarraidh feidhmiú mar Stiúrthóir Naíonra, le tuiscint chuimsitheach a thabhairt dóibh ar a bhfuil i gceist le naíonra a bhunú agus a bhainistiú. Bhí an Dianchúrsa is déanaí ar siúl i mBaile Átha Cliath ag deireadh mhí Bealtaine.

D’fhreastail naonúr ar an gcúrsa seachtaine agus bhaineadar go léir taitneamh agus tairbhe as an t-iliomad ceardlanna idir Luath-Thumoideachais Iomlán & Sealbhú na Gaeilge, Úsáid na Gaeilge le Leanaí Óga, Forbairt an Pháiste agus Pleanáil Lae an Naíonra, &rl.. Ní amháin go raibh siad in ann leas a bhaint as taithí agus saineolas Stiúrthóirí Naíonraí eile, ach bhí an deis acu páirt a ghlacadh i bhfoghlaim ghníomhach i gceardlanna mar Rince & Ceol agus Drámaíocht, le Marc Mac Lochlainn ón gcomhlacht amharclainne Branar. Bhí deis acu cuairt a thabhairt ar Naíonra Bhríde, Raghnallach, chomh maith, le comhthéacs a fháil do gach rud a raibh á phlé sna ceardlanna.

Socraítear taithí oibre dóibh siúd a fhreastalaíonn ar an gcúrsa seo, agus bronnfaidh Forbairt Naíonraí Teoranta teastas orthu agus an cúrsa críochnaithe acu.

Dianchúrsa Bealtaine

Sa phictiúr ó chlé : (sa chúlra) Bernie Uí Mhíocháin, Gearóid Ó Conchúir, Áine Ní Bhuachalla, Úna Costigan, Ciara Ní Mhaolagáin.
(chun tosaigh) Clíona Frost (Ard-fheidhmeannach FNT), Deirdre Molloy, Vera Keyes, Aisling Ní Rímheá, Clár Ní Chochláin (Oifigeach Eolais agus Scéimeanna FNT), Méabh Ní Ruairc.

Gabhann muid buíochas le gach duine a thug ceardlann i rith na seachtaine agus a ghlac páirt sa chúrsa.

Tá athbhreithniú ar an Dianchúrsa ar siúl faoi láthair ach, má chloítear leis an struchtúr mar atá, beidh agallamh Gaeilge le déanamh ag gach iarrthóir ar an gcúrsa. Má tá suim agat freastal ar an gcéad Dianchúrsa eile, seol r-phost chuig eolas@naionrai.ie nó cuir glaoch ar an oifig 01 853 5101, le do shonraí teagmhála mar aon leis an gceantair ina bhfuil tú lonnaithe.
*Níl an cúrsa seo creidiúnaithe.

Cúrsaí CDBO

Oiliúint Aitheanta

Eagraítear cúrsaí Cúram Leanaí Leibhéal 5 agus Leibhéal 6 le haitheantas ó Chomhairle na nDámhachtainí Breisoideachais agus Oiliúna.

Tá Forbairt Naíonraí Teoranta aitheanta mar ionad oiliúna ag CDBO.

Leibhéal 5

Tugann CDBO Leibhéal 5 caoi d'fhoghlaimeoirí réimse leathan scileanna a fhorbairt, atá sonrach do ghairm ar leith agus a bhfuil tuiscint ginearálta teoiriciúil riachtanach dó. Tugtar caoi dóibh oibriú go neamhspleách, faoi reir stiúriú ginearálta. Leanann tromlach de shealbhóirí modúil/teastas ar aghaidh chun fostaíocht a fháil.

Meastar go bhfuil na bun-riachtanais iontrala do réimse cúrsaí/ionaid ardoideachais bainte amach ag na foghlaimeoirí.

Bronnfar an teastas CDBO Leibhéal 5 ar iarrthóir a shroicheann an caighdeán riachtanach i modúil, a bhfuil luach ar a laghad 8 orthu agus a bhfuil a leanas san áireamh iontu:

5 Modúil Gairmeacha (Modúil éigeantach agus roghnach san áireamh)
2 Mhodúl Staidéar Ginearálta ('Cumarsáid' san áireamh)
1 Mhodúl Taithí Oibre

Is iad na modúil atá ar fáil (de réir éilimh) ó Fhorbairt Naíonraí Teoranta ag Leibhéal 5 CDBO ná:

Úsáid na Gaeilge le Páistí Óga
Sochtheangeolaíocht agus an Páiste
Luathoideachas
Cúram Leanaí 0-6
Ag Obair i gCúram Leanaí
Forbairt an Pháiste
Cumarsáid
Taithí Oibre

***Beidh an chéad chúrsa eile CDBO Leibhéal 5 ar siúl idir 13ú - 17ú Meán Fómhair 2010. Beidh na hagallaimh Gaeilge ar siúl in oifigí FNT Dé Céadaoin 8ú agus Déardaoin 9ú M.F..

Má tá suim agat freastal ar an gcúrsa, is féidir r-phost a sheoladh le do shonraí teagmhála chuig eolas@naionrai.ie

Leibhéal 6

Tugann an cáiliúchán CDBO Leibhéal 6 caoi d'fhoghlaimeoirí reimse leathan scileanna a fhorbairt a d'fhéadfadh a bheith sonrach do ghairm ar leith agus/nó do mhaoirseacht ghinearálta, a bhfuil tuiscint mhionsonraithe teoriciúil riachtanach dó. San áireamh sna Modúil tá ; ard-scileanna gairme/ceirde, a thugann caoi do shealbhóirí teastas oibriú go neamhspleách. Leanann tromlach na sealbhóirí teastais/modúil ar aghaidh chuig fostaíocht, roinnt díobh féin-fhostaithe.

Is iad na Modúil atá ar fáil (de réir éilimh) ó Fhorbairt Naíonraí Teoranta ag Leibhéal 6 CDBO ná :

Maoirseacht i gCúram Leanaí
Forbairt an Pháiste
Cláir Luathóige
Cuinsí Dlí
Pleanáil Teanga san Ionad Cúram Leanaí

Tá FNT ag súil le Leibhéal 6 a thosnú mí Eanáir 2011.

Ceardlanna

Ceardlann Fhiontraíocht Shóisialta

Tá WINSENT (Wales Ireland Network for Social Entrepreneurship) ag cur ceardlann leathlá ar siúl ar ábhar 'Fiontraíocht Sóisialta'. Beidh an cheardlann ar siúl i mBaile Átha Cliath, Dé Máirt 28 Meán Fómhair idir 10r.n.-1i.n.. Tá sé saor in aisce freastal ar an gcúrsa, ach caithfidh clárú roimh 17 Meán Fómhair. Chun áit a chur in áirithe, déan teagmháil le Sheila ar (01) 414 5703 nó seol r-phost chuig info@winsent.eu.

Tuilleadh eolais ar fáil ó www.clancredo.ie/newsdetails.aspx?ref=61.

Seimineár Partners in Learning

Partners in Learning

Tá seimineár Partners in Learning á chur ar fáil ag Barnardos, Déardaoin 23 Meán Fómhair 2010. Beidh sé ar siúl san óstán Hilton, Cill Mhaighneann, B.Á.C. 8 ó 11r.n. - 3i.n.. Tá táille €50 i gceist don sheimineár (lón san áireamh).

Tuilleadh eolais ar fáil anseo. Is féidir an fhoirm áirithinte a íoslódáil anseo.

Má tá suim agat freastal ar an imeacht seo, seol r-phost chuig training@barnardos.ie, nó cuir glaoch ar 01 453 0355.

Féilire Oiliúna

Féilire Oiliúna Meán Fómhair - Nollaig 2010

Cliceáil anseo do liosta de na cúrsaí go léir a bheidh ar fáil ó FNT i 2010.

Má tá suim agat freastal ar chúrsa, seol r-phost le d'ainm agus sonraí teagmhála chuig eolas@naionrai.ie.

Cúrsaí Gaeilge

Ranganna Gaeilge

Tá neart ranganna Gaeilge ar fáil ag eagraíochtaí éagsúla timpeall na tíre.

Barr^